apni masti ki tere qurb ki sarshaari mein
ab main kuchh aur bhi aasan hun dushwari mein

Sanaullah Zaheer

---

---

kahani phail rahi hai usi ke chaaron taraf
nikalna tha jise dastan ke andar se

Sanaullah Zaheer

---

---

KHala mein tairte phirte hain hath pakDe hue
zamin ki ek sadi ek sal suraj ka

Sanaullah Zaheer

---

---

main de raha hun tujhe KHud se iKHtilaf ka haq
ye iKHtilaf ka haq hai muKHalifat ka nahin

Sanaullah Zaheer

---

---

mera ye dukh ki main sikka hun gae waqton ka
tera ho kar bhi tere kaam nahin aa sakta

Sanaullah Zaheer

---

---

tere makan ka taqaddus aziz tha itna
main aa raha hun gali se pare utar ke panw

Sanaullah Zaheer

---

---

us ke kamre se uTha laya hun yaaden apni
KHud paDa rah gaya lekin kisi almari mein

Sanaullah Zaheer

---

---