آتے ہوئے اس تن میں نہ جاتے ہوئے تن سے
ہے جان مکیں کو نہ لگاوٹ نہ رکاوٹ

ساحر دہلوی

---

---

عہد‌ میثاق کا لازم ہے ادب اے واعظ
ہے یہ پیمان وفا رشتۂ زنار نہ توڑ

ساحر دہلوی

---

---

اے پری رو ترے دیوانے کا ایماں کیا ہے
اک نگاہ غلط انداز پہ قرباں ہونا

ساحر دہلوی

---

---

عیاں علیمؔ سے ہے جسم و جان کا الحاق
مکیں مکاں میں نہ ہوتا تو لا مکاں ہوتا

ساحر دہلوی

---

---

ازل سے ہم نفسی ہے جو جان جاں سے ہمیں
پیام دم بدم آتا ہے لا مکاں سے ہمیں

ساحر دہلوی

---

---

بے نشاں ساحر نشاں میں آ کے شاید بن گیا
لا مکاں ہو کر مکاں میں خود مکیں ہوتا رہا

ساحر دہلوی

---

---

غم موجود غلط اور غم فردا باطل
راحت اک خواب ہے جس کی کوئی تعبیر نہیں

ساحر دہلوی

---

---

ہے صنم خانہ مرا پیمان عشق
ذوق مے خانہ مجھے سامان عشق

ساحر دہلوی

---

---

ہم گدائے در مے خانہ ہیں اے پیر مغاں
کام اپنا ترے صدقہ میں چلا لیتے ہیں

ساحر دہلوی

---

---