مل ملا کے دونوں نے دل کو کر دیا برباد
حسن نے کیا بے خود عشق نے کیا آزاد

ساحر دہلوی

---

---

میں دیوانہ ہوں اور دیر و حرم سے مجھ کو وحشت ہے
پڑی رہنے دو میرے پاؤں میں زنجیر مے خانہ

ساحر دہلوی

---

---

کیا شوق کا عالم تھا کہ ہاتھوں سے اڑا خط
دل تھام کے اس شوخ کو لکھنے جو لگا خط

ساحر دہلوی

---

---

آتے ہوئے اس تن میں نہ جاتے ہوئے تن سے
ہے جان مکیں کو نہ لگاوٹ نہ رکاوٹ

ساحر دہلوی

---

---

کونین عین علم میں ہے جلوہ گاہ حسن
جیب خرد سے عینک عرفاں نکالئے

ساحر دہلوی

---

---

جو لا مذہب ہو اس کو ملت و مشرب سے کیا مطلب
مرا مشرب ہے رندی رند کو مذہب سے کیا مطلب

ساحر دہلوی

---

---

ہم گدائے در مے خانہ ہیں اے پیر مغاں
کام اپنا ترے صدقہ میں چلا لیتے ہیں

ساحر دہلوی

---

---

ہے صنم خانہ مرا پیمان عشق
ذوق مے خانہ مجھے سامان عشق

ساحر دہلوی

---

---

غم موجود غلط اور غم فردا باطل
راحت اک خواب ہے جس کی کوئی تعبیر نہیں

ساحر دہلوی

---

---