kab tak yaqin ishq hamein KHud na aaega
kab tak makan ka haal kahenge makin se hum
Saba Akbarabadi
kufr o islam ke jhagDe ko chuka do sahab
jang aapas mein karen shaiKH o barahman kab tak
Saba Akbarabadi
KHwahishon ne dil ko taswir-e-tamanna kar diya
ek nazar ne aaine mein aks gahra kar diya
Saba Akbarabadi
kaun uThae ishq ke anjam ki jaanib nazar
kuchh asar baqi hain ab tak hairat-e-aghaz ke
Saba Akbarabadi
kamal-e-zabt mein yun ashk-e-muztar TuT kar nikla
asir-e-gham koi zindan se jaise chhuT kar nikla
Saba Akbarabadi
kaam aaegi mizaj-e-ishq ki aashuftagi
aur kuchh ho ya na ho hangama-e-mahfil sahi
Saba Akbarabadi
jab ishq tha to dil ka ujala tha dahr mein
koi charagh nur-badaman nahin hai a
Saba Akbarabadi
kya maal-e-dahr hai meri mohabbat ka maal
hain abhi lakhon fasane muntazir aaghaz ke
Saba Akbarabadi
kab tak najat paenge wahm o yaqin se hum
uljhe hue hain aaj bhi duniya o din se hum
Saba Akbarabadi