doston se ye kahun kya ki meri qadr karo
abhi arzan hun kabhi paoge nayab mujhe
Saba Akbarabadi
aaina kaisa tha wo sham-e-shakebai ka
samna kar na saka apni hi binai ka
Saba Akbarabadi
aal-o-par ki jumbihson ko kaam mein late raho
ai qafas walo qafas se chhuTna mushkil sahi
Saba Akbarabadi
azal se aaj tak sajde kiye aur ye nahin socha
kisi ka aastan kyun hai kisi ka sang-e-dar kya hai
Saba Akbarabadi
apne jalne mein kisi ko nahin karte hain sharik
raat ho jae to hum shama bujha dete hain
Saba Akbarabadi
aisa bhi koi gham hai jo tum se nahin paya
aisa bhi koi dard hai jo dil mein nahin hai
Saba Akbarabadi
achchha hua ki sab dar-o-diwar gir paDe
ab raushni to hai mere ghar mein hawa to hai
Saba Akbarabadi
abhi to ek watan chhoD kar hi nikle hain
hanuz dekhni baqi hain hijraten kya kya
Saba Akbarabadi
aap ke lab pe aur wafa ki qasam
kya qasam khai hai KHuda ki qasam
Saba Akbarabadi