aaina kaisa tha wo sham-e-shakebai ka
samna kar na saka apni hi binai ka

Saba Akbarabadi

---

---

doston se ye kahun kya ki meri qadr karo
abhi arzan hun kabhi paoge nayab mujhe

Saba Akbarabadi

---

---

gae the naqd-e-giran-maya-e-KHulus ke sath
KHarid lae hain sasti adawaten kya kya

Saba Akbarabadi

---

---

ghalat-fahmiyon mein jawani guzari
kabhi wo na samjhe kabhi hum na samjhe

Saba Akbarabadi

---

---

gham-e-dauran ko baDi chiz samajh rakkha tha
kaam jab tak na paDa tha gham-e-jaanan se hamein

Saba Akbarabadi

---

---

hawas-parast adibon pe had lage koi
tabah karte hain lafzon ki ismaten kya kya

Saba Akbarabadi

---

---

ek roz chhin legi hamin se zamin hamein
chhinenge kya zamin ke KHazane zamin se hum

Saba Akbarabadi

---

---

is shan ka aashufta-o-hairan na milega
aaine se fursat ho to taswir-e-'saba' dekh

Saba Akbarabadi

---

---