آج بار گوش ہے میری صدا اس کو مگر
میرے شعروں کو زمانہ دیر تک دہرائے گا

رانا گنوری

---

---

اب مجھے تھوڑی سی غفلت سے بھی ڈر لگتا ہے
آنکھ لگتی ہے کہ دیوار سے سر لگتا ہے

رانا گنوری

---

---

اے خدا میں سن رہا ہوں آہٹیں اس وقت کی
جب تری دنیا کا ہر بندا خدا ہو جائے گا

رانا گنوری

---

---

ہم نے دنیا سے سلوک ایسا کیا ہے راناؔ
ہم نہ ہوں گے تو بہت یاد کرے گی دنیا

رانا گنوری

---

---

ہمارا دل تو غم میں بھی خوشی محسوس کرتا ہے
وہی مشکل میں رہتے ہیں جو غم کو غم سمجھتے ہیں

رانا گنوری

---

---

ہر اک کی ہے پسند اپنی ہر اک کا ہے مزاج اپنا
وفا مجھ کو پسند آئی پسند آئی جفا اس کو

رانا گنوری

---

---

ہر شخص یہاں صاحب ادراک نہیں ہے
ہر شخص کو تم صاحب ادراک نہ کہنا

رانا گنوری

---

---

خود تراشنا پتھر اور خدا بنا لینا
آدمی کو آتا ہے کیا سے کیا بنا لینا

رانا گنوری

---

---

خوشی ہم سے کنارا کر رہی ہے
ہمیں غم کو بھی اپنانا پڑے گا

رانا گنوری

---

---