ai mere munis o gham-KHwar mujhe marne de
baat ab hukm ki tamil tak aa pahunchi hai

Misdaque Azmi

---

---

faqat milna-milana kam hua hai
hamari dosti TuTi nahin hai

Misdaque Azmi

---

---

ghaar walon ki tarah nikla hai wo kamre se aaj
us ko is duniya ki tabdili ka andaza nahin

Misdaque Azmi

---

---

ek tabassum ka bharam aabaad honTon par kiye
ji rahe hain log apni apni virani ke sath

Misdaque Azmi

---

---

KHushnuma manzar bhi sab dhundhle nazar aate hain yar
jab dilon mein bhi utar jati hai sahraon ki KHak

Misdaque Azmi

---

---