اہل ایماں سوزؔ کو کہتے ہیں کافر ہو گیا
آہ یا رب راز دل ان پر بھی ظاہر ہو گیا

میر سوز

---

---

ایک آفت سے تو مر مر کے ہوا تھا جینا
پڑ گئی اور یہ کیسی مرے اللہ نئی

میر سوز

---

---

جس کا تجھ سا حبیب ہووے گا
کون اس کا رقیب ہووے گا

میر سوز

---

---

پرکار کی روش پھرے ہم جتنے چل سکے
اس گردش فلک سے نہ باہر نکل سکے

میر سوز

---

---

رسوا ہوا خراب ہوا مبتلا ہوا
وہ کون سی گھڑی تھی کہ تجھ سے جدا ہوا

میر سوز

---

---

سر زانو پہ ہو اس کے اور جان نکل جائے
مرنا تو مسلم ہے ارمان نکل جائے

میر سوز

---

---

ان سے اور مجھ سے یہی شرط وفا ٹھہری ہے
وہ ستم ڈھائیں مگر ان کو ستمگر نہ کہوں

میر سوز

---

---