chand KHamosh ja raha tha kahin
hum ne bhi us se koi baat na ki

Mahmood Ayaz

---

---

daulat-e-gham bhi KHas-o-KHak-e-zaman mein gai
tum gae ho to mah o sal kahan Thahre hain

Mahmood Ayaz

---

---

jine walon se kaho koi tamanna DhunDen
hum to aasuda-e-manzil hain hamara kya hai

Mahmood Ayaz

---

---

koi din aur gham-e-hijr mein shadan ho len
abhi kuchh din mein samajh jaenge duniya kya hai

Mahmood Ayaz

---

---

lafz o manzar mein maani ko TaTola na karo
hosh wale ho to har baat ko samjha na karo

Mahmood Ayaz

---

---

masaf-e-zist mein wo ran paDa hai aaj ke din
na main tumhaari tamanna hun aur na tum mere

Mahmood Ayaz

---

---

sham-e-shab-tab ek raat jali
jalne wale tamam umr jale

Mahmood Ayaz

---

---

tu ru-ba-ru ho to ai ru-e-yar tujh se kahen
wo harf-e-gham ki harif-e-gham-e-zamana hai

Mahmood Ayaz

---

---

wo mere sath hai sae ki tarah
dil ki zid hai ki nazar bhi aae

Mahmood Ayaz

---

---