lafz o manzar mein maani ko TaTola na karo
hosh wale ho to har baat ko samjha na karo
wo nahin hai na sahi tark-e-tamanna na karo
dil akela hai ise aur akela na karo
band aaankhon mein hain nadida zamane paida
khuli aaankhon hi se har chiz ko dekha na karo
din to hangama-e-hasti mein guzar jaega
subh tak sham ko afsana-dar-afsana karo
Ghazal
Lafz o manzar mein maani ko TaTola na karo
Mahmood Ayaz