aaDe aaya na koi mushkil mein
mashware de ke haT gae ahba
Josh Malihabadi
aaDe aaya na koi mushkil mein
mashware de ke haT gae ahba
Josh Malihabadi
aap se hum ko ranj hi kaisa
muskura dijiye safai se
Josh Malihabadi
ab ai KHuda inayat-e-beja se faeda
manus ho chuke hain gham-e-jawedan se hum
Josh Malihabadi
ab dil ka safina kya ubhre tufan ki hawaen sakin hain
ab bahr se kashti kya khele maujon mein koi girdab nahin
Josh Malihabadi
ab tak na KHabar thi mujhe ujDe hue ghar ki
wo aae to ghar be-sar-o-saman nazar aaya
Josh Malihabadi
allah re husn-e-dost ki aaina-dariyan
ahl-e-nazar ko naqsh-ba-diwar kar diya
Josh Malihabadi
aadban naz se lahra ke chali baad-e-murad
karwan id mana qafila-salar aaya
Josh Malihabadi
dil ki choTon ne kabhi chain se rahne na diya
jab chali sard hawa main ne tujhe yaad kiya
Josh Malihabadi