us ne wada kiya hai aane ka
rang dekho gharib KHane ka
Josh Malihabadi
wahan se hai meri himmat ki ibtida wallah
jo intiha hai tere sabr aazmane ki
Josh Malihabadi
wo karen bhi to kin alfaz mein tera shikwa
jin ko teri nigah-e-lutf ne barbaad kiya
Josh Malihabadi
zara aahista le chal karwan-e-kaif-o-masti ko
ki sath-e-zehn-e-alam saKHt na-hamwar hai saqi
Josh Malihabadi
guzar raha hai idhar se to muskuraata ja
charagh-e-majlis-e-ruhaniyan jalata ja
Josh Malihabadi
aaDe aaya na koi mushkil mein
mashware de ke haT gae ahba
Josh Malihabadi
aap se hum ko ranj hi kaisa
muskura dijiye safai se
Josh Malihabadi
ab ai KHuda inayat-e-beja se faeda
manus ho chuke hain gham-e-jawedan se hum
Josh Malihabadi
ab dil ka safina kya ubhre tufan ki hawaen sakin hain
ab bahr se kashti kya khele maujon mein koi girdab nahin
Josh Malihabadi