ہے دلوں کا وہی جو دانۂ تسبیح کا حال
یوں ملے ہیں پہ ہیں دراصل جدا ایک سے ایک

جاوید لکھنوی

---

---

جس جگہ جائیں بنا لیں ترے وحشی صحرا
خاک لے آئے ہیں مٹھی میں بیابانوں کی

جاوید لکھنوی

---

---

کہیں ایسا نہ ہو مر جاؤں میں حسرت ہی حسرت میں
جو لینا ہو تو لے لو سب سے پہلے امتحاں میرا

جاوید لکھنوی

---

---

خاک اڑ کے ہماری ترے کوچہ میں پہنچتی
تقدیر تھی یہ بھی کہ ہوا بھی نہ چلی آج

جاوید لکھنوی

---

---

سب خط تمام کر چکے پڑھ پڑھ کے شوق سے
واں تھم گئے جہاں پہ مرا نام آ گیا

جاوید لکھنوی

---

---

شب وصل کیا جانے کیا یاد آیا
وہ کچھ آپ ہی آپ شرما رہے ہیں

جاوید لکھنوی

---

---

صورت نہ یوں دکھائے انہیں بار بار چاند
پیدا کرے حسینوں میں کچھ اعتبار چاند

جاوید لکھنوی

---

---

تم دیئے جاؤ یوں ہی ہم کو ہوا دامن کی
ہم سے بے ہوش نہیں ہوش میں آنے والے

جاوید لکھنوی

---

---

تم پاس جو آئے کھو گئے ہم
جب تم نہ ملے تو جستجو کی

جاوید لکھنوی

---

---