aaj zindan mein use bhi le gae
jo kabhi ek lafz tak bola nahin

Ibraheem Hosh

---

---

in hazaron mein aur aap, ye kya?
aap, jo ek the hazaron mein

Ibraheem Hosh

---

---

jo chup lagaun to sahra ki KHamushi jage
jo muskuraun to aazurdagi bhi sharmae

Ibraheem Hosh

---

---

karta hun ek KHwab ke mubham nuqush yaad
jab se khuli hai aankh isi mashghale mein hun

Ibraheem Hosh

---

---

lafzon se bana insan lafzon hi mein rahta hai
lafzon se sanwarta hai lafzon se bigaDta hai

Ibraheem Hosh

---

---

meri nazar mein hai anjam is taaqub ka
jahan bhi dosti jati hai dushmani jae

Ibraheem Hosh

---

---

ote rote mere hansne pe tajjub na karo
hai wahi chiz magar dusre andaz mein hai

Ibraheem Hosh

---

---

tai kar ke dil ka zina wo ek qatra KHun ka
palkon ki chhat tak aaya to lekin gira nahin

Ibraheem Hosh

---

---

yaadon ne le liya mujhe apne hisar mein
mera wajud hafiza ban kar sukaD gaya

Ibraheem Hosh

---

---