aankh binai ganwa baiThi to
teri taswir se manzar nikla

Hammad Niyazi

---

---

aaKHiri bar main kab us se mila yaad nahin
bas yahi yaad hai ek sham bahut bhaari thi

Hammad Niyazi

---

---

as ek lamha tere wasl ka mayassar ho
aur us visal ke lamhe ko daimi kiya jae

Hammad Niyazi

---

---

harwa dena mere kase ko
mere kase ko bharwa dena

Hammad Niyazi

---

---

dikhai dene lagi thi KHushbu
main phul aankhon pe mal raha tha

Hammad Niyazi

---

---

dil ke sune sehn mein gunji aahaT kis ke panw ki
dhup-bhare sannaTe mein aawaz suni hai chhanw ki

Hammad Niyazi

---

---

haar diya hai ujlat mein
KHud ko kis aasani se

Hammad Niyazi

---

---

hum aise log jo aainda o guzishta hain
hamare ahd ko maujud se tahi kiya jae

Hammad Niyazi

---

---

hum is KHatir teri taswir ka hissa nahin the
tere manzar mein aa jae na virani hamari

Hammad Niyazi

---

---