bhula diya bhi agar jae sarsari kiya jae
mutalea meri wahshat ka lazmi kiya jae
hum aise log jo aainda o guzishta hain
hamare ahd ko maujud se tahi kiya jae
KHabar mili hai ki us KHush-KHabar ki aamad hai
so ehtimam-e-suKHan aaj multawi kiya jae
hamein ab apne nae raste banane hain
jo kaam kal hamein karna hai wo abhi kiya jae
nahin baid ye ahkaam-e-taza jari hon
ki gumbadon se parindon ko ajnabi kiya jae
bas ek lamha tere wasl ka mayassar ho
aur us visal ke lamhe ko daimi kiya jae
Ghazal
Bhula diya bhi agar jae sarsari kiya jae
Hammad Niyazi