aa hi gaya wo mujh ko lahad mein utarne
ghaflat zara na ki mere ghaflat-shiar ne

Hafeez Jalandhari

---

---

aankh kam-baKHt se us bazm mein aansu na ruka
ek qatre ne Duboya mujhe dariya ho ka

Hafeez Jalandhari

---

---

aane wale jaane wale har zamane ke liye
aadmi mazdur hai rahen banane ke liye

Hafeez Jalandhari

---

---

aane wale kisi tufan ka rona ro kar
na-KHuda ne mujhe sahil pe Dubona chaha

Hafeez Jalandhari

---

---

ab mujhe manen na manen ai 'hafiz'
mante hain sab mere ustad ko

Hafeez Jalandhari

---

---

abhi miad baqi hai sitam ki
mohabbat ki saza hai aur main hun

Hafeez Jalandhari

---

---

ahbab ka shikwa kya kijiye KHud zahir o baatin ek nahin
lab upar upar hanste hain dil andar andar rota hai

Hafeez Jalandhari

---

---

ahl-e-zaban to hain bahut koi nahin hai ahl-e-dil
kaun teri tarah 'hafiz' dard ke git ga sake

Hafeez Jalandhari

---

---

ai 'hafiz' aah aah par aaKHir
kya kahen dost wah wa ke siwa

Hafeez Jalandhari

---

---