jis ne is daur ke insan kiye hain paida
wahi mera bhi KHuda ho mujhe manzur nahin

Hafeez Jalandhari

---

---

jaise virane se Takra ke palaTti hai sada
dil ke har goshe se aai teri aawaz mujhe

Hafeez Jalandhari

---

---

irade bandhta hun sochta hun toD deta hun
kahin aisa na ho jae kahin aisa na ho jae

Hafeez Jalandhari

---

---

in talKH aansuon ko na yun munh bana ke pi
ye mai hai KHud-kashid ise muskura ke pi

Hafeez Jalandhari

---

---

ilahi ek gham-e-rozgar kya kam tha
ki ishq bhej diya jaan-e-mubtala ke liye

Hafeez Jalandhari

---

---

hamesha ke liye KHamosh ho kar
nai tarz-e-fughan wale ne mara

Hafeez Jalandhari

---

---

hum se ye bar-e-lutf uThaya na jaega
ehsan ye kijiye ki ye ehsan na kijiye

Hafeez Jalandhari

---

---

aa hi gaya wo mujh ko lahad mein utarne
ghaflat zara na ki mere ghaflat-shiar ne

Hafeez Jalandhari

---

---

hai muddaa-e-ishq hi duniya-e-muddaa
ye muddaa na ho to koi muddaa na ho

Hafeez Jalandhari

---

---