'hafiz' apni boli mohabbat ki boli
na urdu na hindi na hindostani

Hafeez Jalandhari

---

---

'hafiz' ahl-e-zaban kab mante the
baDe zoron se manwaya gaya hun

Hafeez Jalandhari

---

---

hath rakh rakh ke wo sine pe kisi ka kahna
dil se dard uThta hai pahle ki jigar se pahle

Hafeez Jalandhari

---

---

han main to liye phirta hun ek sajda-e-betab
un se bhi to puchho wo KHuda hain ki nahin hain

Hafeez Jalandhari

---

---

han kaif-e-be-KHudi ki wo saat bhi yaad hai
mahsus kar raha tha KHuda ho gaya hun main

Hafeez Jalandhari

---

---

hae koi dawa karo hae koi dua karo
hae jigar mein dard hai hae jigar ko kya karun

Hafeez Jalandhari

---

---

doston ko bhi mile dard ki daulat ya rab
mera apna hi bhala ho mujhe manzur nahin

may my friends too receive this wealth of pain
I cannot envisage my solitary gain

Hafeez Jalandhari

---

---