meri majburiyan kya puchhte ho
ki jine ke liye majbur hun main
Hafeez Jalandhari
mujh ko na suna KHizr o sikandar ke fasane
mere liye yaksan hai fana ho ki baqa ho
Hafeez Jalandhari
mujh se kya ho saka wafa ke siwa
mujh ko milta bhi kya saza ke siwa
Hafeez Jalandhari
mujhe to is KHabar ne kho diya hai
suna hai main kahin paya gaya hun
Hafeez Jalandhari
na-kaami-e-ishq ya kaamyabi
donon ka hasil KHana-KHarabi
Hafeez Jalandhari
naseh ko bulao mera iman sambhaale
phir dekh liya us ne shararat ki nazar se
call for the priest, my faith is all askance
she has cast upon me a mischief laden glance
Hafeez Jalandhari
naseh ko bulao mera iman sambhaale
phir dekh liya us ne usi ek nazar se
Hafeez Jalandhari
nahin itab-e-zamana KHitab ke qabil
tera jawab yahi hai ki muskurae ja
Hafeez Jalandhari
o dil toD ke jaane wale dil ki baat batata ja
ab main dil ko kya samjhaun mujh ko bhi samjhata ja
Hafeez Jalandhari