ab main hudud-e-hosh-o-KHirad se guzar gaya
Thukrao chahe pyar karo main nashe mein hun

Ganesh Bihari Tarz

---

---

ahl-e-dil ke waste paigham ho kar rah gai
zindagi majburiyon ka nam ho kar rah gai

Ganesh Bihari Tarz

---

---

ai gardisho tumhein zara taKHir ho gai
ab mera intizar karo main nashe mein hun

Ganesh Bihari Tarz

---

---

arz-e-dakan mein jaan to dilli mein dil bani
aur shahr-e-lucknow mein hina ban gai ghazal

Ganesh Bihari Tarz

---

---

azm-e-yaran hai ye saqi mai nahin to gham na kar
kitne hain jo mai-kada bar-dosh hain yaron ke bich

Ganesh Bihari Tarz

---

---

'dagh' ke sher jawani mein bhale lagte hain
'mir' ki koi ghazal gao ki kuchh chain paDe

Ganesh Bihari Tarz

---

---

dil-e-gham-zada pe guzar gaya hai wo hadsa ki mere liye
na to gham raha na KHushi rahi na junun raha na pari rahi

Ganesh Bihari Tarz

---

---

pattharon ke des mein shishe ka hai apna waqar
dewta apni jagah aur aadmi apni jagah

Ganesh Bihari Tarz

---

---

aat ki raat bahut dekh li duniya teri
subh hone ko hai ab 'tarz' ko so jaane de

Ganesh Bihari Tarz

---

---