aaKHiri waqt talak sath andheron ne diya
ras aate nahin duniya ke ujale mujh ko

Danish Aligarhi

---

---

apne dushman ko bhi KHud baDh ke laga lo sine
baat bigDi hui is tarah bana li jae

Danish Aligarhi

---

---

gar tarannum par hi 'danish' munhasir hai shairi
phir to duniya bhar ke shair naghma-KHwan ho jaenge

Danish Aligarhi

---

---

ho ke majbur ye bachchon ko sabaq dena hai
ab qalam chhoD ke talwar uTha li jae

Danish Aligarhi

---

---

muskura kar un ka milna aur bichhaDna ruTh kar
bas yahi do lafz ek din dastan ho jaenge

Danish Aligarhi

---

---

udad-e-shab-e-gham yun Darta hun sunane se
mahfil mein kahin un ki surat na utar jae

Danish Aligarhi

---

---

tere firaq ne ki zindagi ata mujh ko
tera visal jo milta to mar gaya hota

Danish Aligarhi

---

---

zarre zarre mein mahak pyar ki Dali jae
bu tassub ki har ek dil se nikali jae

Danish Aligarhi

---

---