waiz tu agar un ke kuche se guzar jae
firdaus ka manzar bhi nazron se utar jae
rudad-e-shab-e-gham yun Darta hun sunane se
mahfil mein kahin un ki surat na utar jae
ek wada-e-farda ki ummid pe zinda hun
ai kash kisi surat ye raat guzar jae
kabe hi ke raste mein mai-KHana bhi paDta hai
uljhan mein ye rah-rau hai jae to kidhar jae
tum un se milo 'danish' ye dhyan rahe lekin
KHuddari-e-fitrat ka ehsas na mar jae
Ghazal
Waiz tu agar un ke kuche se guzar jae
Danish Aligarhi