apni taraf to main bhi nahin hun abhi talak
aur us taraf tamam zamana usi ka hai

Ameer Imam

---

---

dhup mein kaun kise yaad kiya karta hai
par tere shahr mein barsat to hoti hogi

Ameer Imam

---

---

is bar rah-e-ishq kuchh itni tawil thi
us ke badan se ho ke guzarna paDa mujhe

Ameer Imam

---

---

jo sham hoti hai har roz haar jata hun
main apne jism ki parchhaiyon se laDte hue

Ameer Imam

---

---

na aabshaar na sahra laga sake qimat
hum apni pyas ko le kar dahan mein lauT aae

Ameer Imam

---

---

pahle sahra se mujhe laya samundar ki taraf
naw par kaghaz ki phir mujh ko sawar us ne kiya

Ameer Imam

---

---

shahr mein sare charaghon ki ziya KHamosh hai
tirgi har samt phaila kar hawa KHamosh hai

Ameer Imam

---

---

wo marka ki aaj bhi sar ho nahin saka
main thak ke muskura diya jab ro nahin saka

Ameer Imam

---

---

ye kar-e-zindagi tha to karna paDa mujhe
KHud ko sameTne mein bikharna paDa mujhe

Ameer Imam

---

---