ek ho jaen to ban sakte hain KHurshid-e-mubin
warna in bikhre hue taron se kya kaam bane

Abul Mujahid Zahid

---

---

gulshan mein na hum honge to phir sog hamara
gul-pairahan o ghuncha-dahan karte rahenge

Abul Mujahid Zahid

---

---

jo sote hain nahin kuchh zikr un ka wo to sote hain
magar jo jagte hain un mein bhi bedar kitne hain

Abul Mujahid Zahid

---

---

log chun len jis ki tahriren hawalon ke liye
zindagi ki wo kitab-e-mo'tabar ho jaiye

Abul Mujahid Zahid

---

---

mila na ghar se nikal kar bhi chain ai 'zahid'
khuli faza mein wahi zahr tha jo ghar mein tha

Abul Mujahid Zahid

---

---

nai sahar ke hasin suraj tujhe gharibon se wasta kya
jahan ujala hai sim-o-zar ka wahin teri raushni milegi

Abul Mujahid Zahid

---

---

tamam umr KHushi ki talash mein guzri
tamam umr taraste rahe KHushi ke liye

Abul Mujahid Zahid

---

---

tum chalo is ke sath ya na chalo
panw rukte nahin zamane ke

Abul Mujahid Zahid

---

---

ye nahin ki tu ne bheja hi nahin payam koi
magar ek wahi na aaya jo payam chahte hain

Abul Mujahid Zahid

---

---