husn ek dariya hai sahra bhi hain us ki rah mein
kal kahan hoga ye dariya ye bhi to socho zara

Abdul Hafiz Naeemi

---

---

khaDa hua hun sar-e-rah muntazir kab se
ki koi guzre to gham ka ye bojh uThwa de

Abdul Hafiz Naeemi

---

---

mazi ke reg-zar pe rakhna sambhal ke panw
bachchon ka is mein koi gharaunda bana na ho

Abdul Hafiz Naeemi

---

---

main bhi is safha-e-hasti pe ubhar sakta hun
rang to tum meri taswir mein bhar kar dekho

Abdul Hafiz Naeemi

---

---

mere KHulus pe shak ki to koi wajh nahin
mere libas mein KHanjar agar chhupa nikla

Abdul Hafiz Naeemi

---

---

mere KHwabon ki chikni siDhiyon par
na jaane kis ka but TuTa paDa hai

Abdul Hafiz Naeemi

---

---

sada kise den 'naimi' kise dikhaen zaKHm
ab itni raat gae kaun jagta hoga

Abdul Hafiz Naeemi

---

---

sajde ke har nishan pe hai KHun sa jama hua
yaro ye us ke ghar ka kahin rasta na ho

Abdul Hafiz Naeemi

---

---

tumhaare sang-e-taghaful ka kyun karen shikwa
is aaine ka muqaddar hi TuTna hoga

Abdul Hafiz Naeemi

---

---