tumhaare jaane ke baad
raat ke aaKHiri pahar
chand ne kaha
main udas hun
ek sitare ne TuTte hue kaha
main udas hun
hawa ne diwaron se sar Takraate hue kaha
main udas hun
bahaar ne pile phulon mein tabdil hote hue kaha
main udas hun
sham ne raat mein Dhalte hue kaha
main udas hun
main ne unchi aawaz mein un sab se kaha
main udas nahin hun
aur ro paDa
Nazm
Tumhaare jaane ke baad
mustafa arbab