Nazm

basta phenk ke lo ji bhaga raushan-ara bagh ki jaanib
chillata chal guDDi chal

pakke jamun Tapkenge
aangan ki rassi se man ne kapDe khole

aur tannur pe la ke Tin ki chadar Dali
sare din ke sukhae papaD

lachchhi ne chadar mein lapeTe
bach gai rabba kiya karaya dhul jaana tha

KHairu ne khet ki sukhi miTTi
jhurriyon wale hath mein le kar

bhigi bhigi aankhon se phir upar dekha
jhum ke phir uTThe hain baadal

TuT ke phir meinh barsega