meri nazmon ne
kuchh logon se la-parwai barti hai
meri nazmon ne
kuchh logon ko aziyyat pahunchai hai
meri nazmon ne
kuchh logon ko mar Dala hai
main apni sari nazmen wapas lene ko tayyar hun
mujhe sab logon se muafi chahiye
taki main bardasht kar sakun
duniya ki laparwai
aziyyat se taDapta hua dil
aur apni maut
Nazm
Main apni nazMein wapas lene ko tayyar hun
Tanveer Anjum