qarib-e-aKHir-e-shab hai mere gale lag jao
wida-e-sham-e-tarab hai mere gale lag jao
ab ek umr judai ke fasle honge
bas ek waqfa-e-shab hai mere gale lag jao
gila-guzar-e-zamana hun tum KHafa kyun ho
gila to husn-e-talab hai mere gale lag jao
tamam umr jo rah rah ke yaad aaegi
yahi wo saat-e-shab hai mere gale lag jao
dayar-e-ghair mein tum ko kahan main DhunDunga
ye KHatm-e-ahd-e-tarab hai mere gale lag jao
Nazm
AaKHiri raat
Mahmood Ayaz