na jaane
sargoshiyon mein kitni kahaniyan an-kahi hain ab tak
barahna diwar par Tange pur-kashish calendar mein
daere ka nishan
umr-e-gurez-pa ko dawam ke KHwab de gaya hai
jis mein sulagte sayyare
gesuon ke ghane KHunuk sae DhunDte hain
gulab-sanson se
jaise
shadabiyon ki taKHliq ho rahi hai
wo jhuk ke phulon mein apne bhige badan ki KHushbu ko banTti hai
chaman se jati bahaar
ek Tokari mein mahfuz ho gai hai
Nazm
AaKHiri qafila
Shaheen Gazipuri