aaj ki raat
ek shaKHs tanha
bahut hi udas aur bahut hi KHatarnak hai
aaj ki raat
is qarya-e-mehrban mein
nahin hai koi mehrban dastiyab
aaj ki raat
kis ajnabi mezban se
tawana rahe jadu-e-barshgal
aaj ki raat
apne faleton se dekho
shikaston ki zad mein sharar o shahab
airport se ghar talak KHwahishen
aap ke sath bistar talak KHwahishen
so bistar ki batti bujhate hue
buri shaeri gungunate hue
na-gahan ye KHabar ye KHayal
ki KHwahish to hai hi nahin
Nazm
Aaj ki raat
Rais Farogh