zaban tum kaT lo ya phir laga do honTh par tale
meri aawaz par koi bhi pahra ho nahin sakta
mujhe tum band kar do tirgi mein ya salaKHon mein
parinda soch ka lekin ye Thahra ho nahin sakta
agar tum phunk kar suraj bujha doge to sun lo phir
jala kar zehn ye apna ujala chhanT lunga main
siyahi KHatm hoegi qalam jab TuT jaega
to apne KHun mein ungli Duba kar sach likhunga main
Nazm
Aazadi
Tripurari