zamin ko phul faza ko ghaTaen deta hai
mujhe falak se wo ab tak sadaen deta hai
wahi nawa-gar-e-alam KHuda-e-saut-o-sada
wahi hawa ko faqat saen saen deta hai
wahi kahin gul-e-naghma kahin gul-e-nauha
wahi ghamon ko saron ki qabaen deta hai
wo koh-sar-e-tahayyur wo aab-shaar-e-nida
KHamoshiyon ko bhi kya kya nidaen deta hai
koi to roe lipaT kar jawan lashon se
isi liye to wo beTon ko maen deta hai
Ghazal
Zamin ko phul faza ko ghaTaen deta hai
Khalid Ahmad