ye zinda rahne ka mausam guzar na jae kahin
ab aa bhi jao dil-e-zar mar na jae kahin
mera sitara to ab tak nazar nahin aaya
main Dar raha hun ki ye shab guzar na jae kahin
nadi kinare khaDa peD soch mein gum hai
koi bhanwar use barbaad kar na jae kahin
parinde apne Thikanon ko KHair se pahunche
dua yahi hai ki koi Thahar na jae kahin
gila bhi KHud se hai aur silsila bhi KHud se hai
hamari baat idhar se udhar na jae kahin
Ghazal
Ye zinda rahne ka mausam guzar na jae kahin
Asad Badayuni