ye shishe dil ke jo bikhre hue hain
tumhaare ishq mein TuTe hue hain
abhi bhi waqt hai tum lauT aao
tumhaare waste Thahre hue hain
ye sach hai bachpana kichaD mein bita
batao kab magar maile hue hain
ye hijrat sirf hijrat hi nahin hai
hamari ruh ke TukDe hue hain
haqiqat bolne wale jahan mein
batao kab kise pyare hue hain
Ghazal
Ye shishe dil ke jo bikhre hue hain
Raghunandan Sharma