ye josh-e-gham hai ki sine mein KHun ubalta hai
na rakhiyo hath kaleje pe mere jalta hai
na puchho dil ki haqiqat tumhaare ishq mein aah
use wo gham jo laga hai usi mein galta hai
ye hum ko us ki jawani ne aur iza di
ki raat din koi sine mein dil ko malta hai
kisi ke kan ka dur dekha tu ne 'ashufta'
jo ashk aankhon se moti sa tere Dhalta hai
Ghazal
Ye josh-e-gham hai ki sine mein KHun ubalta hai
Mirza Raza Quli Ashufta