ya rab kahin se garmi-e-bazar bhej de
dil bechta hun koi KHaridar bhej de
apni bisat mein to yahi dil hai meri jaan
leta nahin to kya karun ai yar bhej de
dawa jo barshgal ko aankhon se hai meri
aisa koi jo abr-e-guhar-bar bhej de
dete hain aqd-e-husn mein aashiq urus-e-jaan
aata nahin jo aap to talwar bhej de
'sauda' se gham-gusar ka tha dil ye tin liya
us ke ewaz bhala koi gham-KHwar bhej de
Ghazal
Ya rab kahin se garmi-e-bazar bhej de
Sauda Mohammad Rafi