Teri ai shah-e-KHuban ho bala chaT

teri ai shah-e-KHuban ho bala chaT
wo bosa de ki ho jis ki sada chaT

munDa kar KHatt-e-ruKH us mah-laqa ne
kiya hai aaine ka ghar safa-chaT

mujhi ko galiyan dete rahe wo
magar leta raha bose chaTa-chaT

tumhaari zulf ka bandha na chhuTa
Dasa kale ne jis ko wo mua chaT

musallam murgh-e-dil hai mehman-e-gham
kare jald ai KHuda wo ye ghiza chaT

'waqar' us gul ko ghuncha ne jo dekha
to ausaf-e-dahan mein bol uTha chaT