tauba zahid ki tauba talli hai
chille baiThe to shaiKH chilli hai
dil mein hai makr wa hath mein tasbih
ye ibaadat nahin chaballi hai
rish hai ye ki shaKH-e-shana hai
jis ki rindon ke bich khilli hai
pagDi apni yahan sambhaal chalo
aur basti na ho ye dilli hai
sag-e-sher-e-KHuda hai tu 'hatim'
KHarji tere aage billi hai
Ghazal
Tauba zahid ki tauba talli hai
Shaikh Zahuruddin Hatim