tark ulfat mein bhi us ne ye riwayat rakkhi
rose milne ki purani wahi aadat rakkhi
tu gaya hai to palaT kar nahin puchha main ne
warna barson teri yaadon ki amanat rakkhi
kal achanak koi taswir bani kaghaz par
muddaton sab se chhupa kar teri surat rakkhi
wo muqaddar mein nahin hai to usi ke dil mein
kis ne har shai se ziyaada chahat rakkhi
KHud hi milta hai bichhaDta hai 'yashab' apne liye
aane-jaane ki ajab us ne suhulat rakkhi
Ghazal
Tark ulfat mein bhi usne ye riwayat rakkhi
Yashab Tamanna