tamam husn-e-jahan ka jawab ho ke raha
jo dard dil se uTha aaftab ho ke raha
wo bargah-e-junun hai nasib-e-ishq-e-wafa
ye dil ye shauq nazar-baryab ho ke raha
wahi safar hai wahi rasm-e-abla-pai
yaqin-e-rah mera kaamyab ho ke raha
bahut aziz na kyun ho ki dard hai tera
ye dard baDh ke raha iztirab ho ke raha
ajib chiz hai ye shauq-e-arzu-mandi
hayat miT ke rahi dil KHarab ho ke raha
Ghazal
Tamam husn-e-jahan ka jawab ho ke raha
Arshi Bhopali