shor-e-dariya-e-wafa-e-ishrat ishrat-e-sahil ke qarib
ruk gae apne qadam aae jo manzil ke qarib
phir ye waraftagi-e-shauq samajh mein aae
ek zara ja ke to dekhe koi bismil ke qarib
un se bichhDe hue muddat hui lekin ab bhi
ek chubhan hoti hai mahsus mujhe dil ke qarib
aks-e-bazar yahan bhi na ho is KHauf se hum
lauT lauT aae hain ja kar teri mahfil ke qarib
Ghazal
Shor-e-dariya-e-wafa-e-ishrat ishrat-e-sahil ke qarib
Iftikhar Aazmi