shahr mein phirta hai wo mai-KHwar mast
kyun na ho har kucha o bazar mast
ho gai us ka qad o ruKHsar dekh
sarw qumri bulbul o gulzar mast
zahido uTh jao majlis se ki aaj
be-tarah aata hai wo mai-KHwar mast
jis ke ghar jata hai wo daru piye
ho hai us ghar ke dar-o-diwar mast
sar ko qadmon par dhar us ke loTiye
raat ko aae agar wo yar mast
mai-kasho 'hatim' ko matwala kaho
aisa hum dekha nahin hoshiyar mast
Ghazal
Shahr mein phirta hai wo mai-KHwar mast
Shaikh Zahuruddin Hatim