shahr-e-ulfat mein diya koi jalate jate
mere kuche ke andhere bhi miTate jate
ye mera ishq hai kamzori nahin hai jaanan
sar jhukati hun sar-e-rah jo aate jate
ye jo palkon pe sajoe hue hain moti hum
ye to daulat hai ise kaise luTate jate
aap ko dil pe mere raj agar karna tha
waswase pahle mere dil ke miTate jate
zinda rahne ke liye KHwab zaruri hai bahut
so hamein KHwab naya koi dikhate jate
be-qarari ki ye manzil nahin hoti 'jyoti'
duriyan aap agar mujh se baDhate jate
Ghazal
Shahr-e-ulfat mein diya koi jalate jate
Jyoti Azad Khatri