saut-e-bulbul dil-e-nalan ne sunai muj ko
sair-e-gul dida-e-giryan ne dikhai muj ko
laun KHatir mein na main saltanat-e-haft-iqlim
us gali ki jo mayassar ho gadai muj ko
wasl mein jis ki nahin chain ye andesha hai
aah dikhlaegi kya us ki laDai muj ko
wasl mein jis ke na tha chain so 'jurat' afsos
wo gaya pas se aur maut na aai muj ko
Ghazal
Saut-e-bulbul dil-e-nalan ne sunai muj ko
Jurat Qalandar Bakhsh