sae ko dhup dhup ko saya bana liya
ek lamha-e-visal ne kya kya bana liya
ek shahr-e-na-shanas mein jaane ki der thi
beganagi ne mujh ko tamasha bana liya
aawargan-e-shauq ka raste mein tha hujum
main ne magar hujum mein rasta bana liya
KHwabon ki main ne ek imarat banai aur
yaadon ka us mein ek daricha bana liya
itni si baat hai ki use mil nahin saka
us ne baDha ke baat ko jhagDa bana liya
Ghazal
Sae ko dhup dhup ko saya bana liya
Khurshid Rabbani