roke kuchh der ghubar aankh ka dho len hum bhi
apne bhi dil ko zara aaj TaTolen hum bhi
nam le kar kabhi hum ko bhi pukare koi
apna darwaza kisi roz to kholen hum bhi
lafz-o-mani bhi ubharne lage sannaTe se
dar-o-diwar jo bole hain to bolen hum bhi
ji mein aata hai kabhi un ka tasawwur le kar
koi jata ho kahin sath mein ho len hum bhi
Ghazal
Roke kuchh der ghubar aankh ka dho len hum bhi
Karrar noori