raushni dar raushni hai us taraf
zindagi dar zindagi hai us taraf
jin azabon se guzarte hain yahan
un azabon ki nafi hai us taraf
ek rihaish KHwahish-e-dil ki tarah
ek numaish KHwab ki hai us taraf
jo bikhar kar rah gaya hai is jagah
husn ki ek shakl bhi hai us taraf
justuju jis ki yahan par ki 'munir'
us se milne ki KHushi hai us taraf
Ghazal
Raushni dar raushni hai us taraf
Muneer Niyazi